У Брэсцкай вобласці стала яшчэ на двух палітвязняў больш. Хто яны?

Беларуская праваабарончая супольнасць ініцыявала прызнанне яшчэ двух жыхароў Брэсцкай вобласці палітычнымі зняволенымі.

Гаворка ідзе пра Аляксея Рамасюка з Пінска і Яўгена Цімашука з Брэста.

Чытайце таксама: «Прырода пачала дэкамунізацыю»: у Віцебску вецер скінуў бюст Леніна з пастамента

Пінчук атрымаў чатыры гады калоніі

Аляксей Рамасюк быў асуджаны ў 2024 годзе па абвінавачанні ва ўдзеле ў пратэстах 2020 года.

Яму прызначылі чатыры гады пазбаўлення волі ў калоніі паводле часткі 2 артыкула 293 Крымінальнага кодэкса («Масавыя беспарадкі»).

Справу разглядала суддзя Вольга Лубнік. Судовы працэс праходзіў 9, 10, 11, 12 і 16 ліпеня 2024 года.

Брэстаўчаніна асудзілі на «хімію»

Другім прызнаным палітвязнем стаў жыхар Брэста Яўген Цімашук, які адбывае пакаранне ў папраўчай установе адкрытага тыпу №48.

Паводле інфармацыі праваабаронцаў, яго асудзілі да двух гадоў абмежавання волі («хіміі») па артыкуле аб абразе Аляксандра Лукашэнкі.

Амаль 190 палітвязняў з Брэсцкай вобласці

Пасля прызнання гэтых двух чалавек колькасць палітычных зняволеных у Беларусі, паводле праваабарончай супольнасці, дасягнула 860 чалавек.

З іх, паводле падлікаў праваабаронцаў, 189 чалавек — жыхары Брэсцкай вобласці.

Беларускія ўлады не прызнаюць паняцця «палітычны зняволены», а крымінальныя справы супраць асуджаных называюць вынікам парушэнняў дзеючага заканадаўства. Праваабарончыя арганізацыі, у сваю чаргу, лічаць, што пераслед гэтых людзей мае палітычна матываваны характар.

Чытайце таксама: У Брэсцкай вобласці стала на аднаго палітвязня больш: праваабаронцы прызналі палітычным зняволеным былога вайскоўца

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро