Міжнародныя «чараўнікі» дабраліся да беларускіх храмаў. Іх выкрылі ў Нацыянальнай акадэміі навук

У Беларусь дабраліся міжнародныя агенты кампаніі BioDry. Іх місія — «ратаваць» старыя помнікі архітэктуры ад вільгаці з дапамогай загадкавай скрыначкі, якая, калі верыць рэкламе, нібыта выпарвае ваду са сцен сілай электрамагнітнага поля.

Чытайце таксама: Похлопаем фокуснику: в Бресте «убрали» свалку, которая осталась

Мужчыны ў белых халатах, з сур’ёзнымі тварамі і прыборамі, прыязджаюць у святыні і гістарычныя будынкі, свідруюць сцены, здымаюць узоры, замяраюць узровень вільготнасці… Карацей, усё выглядае вельмі прафесійна. А халаты, як вядома, заўсёды дадаюць навуковасці і даверу. На гэта звярнулі ўвагу ў Telegram-канале «Спадчына».

Як працуе «цуд»

Пасля «вымярэнняў» кліенту прапануюць простае рашэнне ўсіх праблем — маленькую скрыначку BioDry. Яна, паводле прадстаўнікоў кампаніі, выціскае капілярную вільгаць з цэглы назад у зямлю з дапамогай электрамагнітнага поля. І ўсё гэта — без падключэння да электрычнасці! Трэба толькі прасвідраваць сцяну ды размясціць у ёй скрыню.

На афіцыйным сайце кампаніі напісана, што прылада не патрабуе падсілкавання, абслугоўвання ці замены. Іншымі словамі, гэта вечны рухавік, які працуе сам па сабе. Што, як ведае любы школьнік, фізічна немагчыма.

Што ўнутры гэтай «цуд-прылады» — невядома. Але, калі яна сапраўды не мае крыніцу энергіі, можна з вялікай верагоднасцю здагадвацца, што ўнутры — толькі кавалак металу дзеля вагі.

@biodrybyУСТАНОВКА СИСТЕМЫ BIODRY В ЕДИНСТВЕННОЙ ЛЮТЕРАНСКОЙ КИРХЕ БЕЛАРУСИ Вот уже на протяжении 30-ти лет Лютеранская Община борется с влагой в кирхе, но все безуспешно: 💧 стены постоянно тянут воду из земли, 🎨 краска вздувается и отслаивается, 📚 даже документы становятся влажными. Каждый год приходится перекрашивать и восстанавливать отделку, но проблема возвращается снова. Ни гидроизоляция, ни инъекции не помогли. Мы обследовали храм и выяснили: причина — влажность капиллярного подъёма. 📊 Замеры показали высокий процент влаги и отрицательный потенциал стен. После установки устройства Biodry потенциал сменился на положительный — значит, подъем влаги остановлен! Теперь кирха будет постепенно осушаться естественным путём. А мы будем регулярно возвращаться сюда, фиксировать замеры и делиться результатами. 🙏 Это не просто технология. Это сохранение исторического наследия и помощь кирхе обрести вторую жизнь. 👉 Следите вместе с нами, как изменятся стены кирхи уже через полгода!♬ оригинальный звук — Dry Wall

Без юрыдычнага адрасу і з падазронымі кантактамі

Кампанія, якая нібыта працуе з 2009 года «па ўсім свеце», у Беларусі не мае нават юрыдычнага адрасу. Толькі адзін тэлефон прадстаўніка. І гэта ўжо першы трывожны званочак.

«Спадчына» звяртае ўвагу на тое, што ў свеце шмат гісторый, звязаных з гэтай кампаніяй. На форуме Reddit дзясяткі людзей распавядалі пра тое, як BioDry прадавалі свае «цудоўныя скрыні» пенсіянерам у Італіі, якія не прыносілі ніякай карысці.

Найгучнейшая гісторыя, звязаная з BioDry, адбылася ў Кіеве. У 2020 годзе фармацэўтычныя кампаніі «Інтэрхім» і «Дарніца» разам з фондам Zagoriy Foundation выдаткавалі каля 4 мільёнаў грыўняў (прыкладна 100 тысяч долараў) на праект па асушэнні Сафійскага сабора і манастырскіх пабудоваў з дапамогай гэтай швейцарскай тэхналогіі.

У Беларусі гэтыя «цудадзейныя скрыні» ўжо з’явіліся ў Архікафедральным саборы ў Мінску, у касцёле святога Міхаіла Арханёла ў Навагрудку, у Лютэранскай кірсе г. Гродна, і нават у царкве ў Вольне. Сцены святыняў прасвідравалі з дазволу ксяндзоў, каб прымацаваць на іх гэтыя самыя «чароўныя» прылады.

Такім чынам помнікі архітэктуры, якім па некалькі стагоддзяў, сталі палігонам для эксперыментаў загадкавых «тэхналогій з Еўропы».

@biodryby⛪ УСТОНОВКА BIODRY В КОСТЁЛЕ В НОВОГРУДКЕ. Костёл Святого Архангела Михаила поражает своей красотой и ухоженностью.  Но даже в таких красивых зданиях есть проблемы, которые не заметны с первого взгляда. Это влажность капиллярного подъёма. Внутри ощущается сырость, а в некоторых зонах краска вздувается и отслаивается. Со временем это разрушает отделку, влияет на сохранность уникального имущества и создаёт неблагоприятный микроклимат для прихожан. 💬 Заботясь о людях и о самом храме, ксёндз Юрий принял решение устранить влагу с помощью неразрушающей технологии Biodry. ⚡ Система начинает работать сразу же после установки. Об этом говорит смена потенциала в стене с отрицательного на положительный спустя 2,5 часа после установки. ✨Теперь стены будут постепенно осушаться, а храм получит надежную защиту на долгие годы.♬ оригинальный звук — Dry Wall

Што кажуць навукоўцы

У «Спадчыне» звярнуліся ў Нацыянальную акадэмію навук Беларусі, каб атрымаць навуковае пацверджанне або абвяржэнне магчымасці такой тэхналогіі.

Адказ прыйшоў з Інстытута энергетыкі НАН Беларусі. І ён не пакідае месца для сумневаў:

«Не існуе такіх электрамагнітных хваль, якія маглі б кіраваць капілярным рухам вільгаці ў сценах. Таму зацвярджэнні фірмы BioDry аб тым, што іх прылада здольная асушваць сцены, не адпавядаюць рэчаіснасці», — паведаміў кандыдат фізіка-матэматычных навук Міхаіл Малько.

Чытайце таксама: У Віцебску з «божай дапамогай» адкрылі краму. Людзі жартуюць з падзеі

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро