Кошты на арэнду ў Мінску ўзляцелі ў космас. Што адбываецца?

Відэа ў TikTok і допісы ў Threads з абурэннем мінскімі арэнднымі цэнамі ўжо сталі асобным жанрам. Многія беларусы, як жыхары сталіцы, так і прыезжыя, скардзяцца на высокія кошты за арэнду жылля, якія не заўсёды адпавядаюць іх якасці.

Чытайце таксама: Маці распавяла дачцы пра кошты на жытло ў Беларусі. Рэакцыя дзіцяці бескаштоўная

Людзі дзеляцца гісторыямі пра «бабушатнікі» за $350–400 і студыі ў 28 квадратных метраў за $460, піша Petitions.by.

Прычына для шоку ёсць. Паводле апошніх ацэнак, да канца лета ў сярэднім у Мінску прасілі:

• $413 за аднапакаёўку,
• $549 за двухпакаёвую,
• $744 за трохпакаёвую.

З пачатку 2025 года арэнда падаражэла прыкладна на 9%, а за адзін толькі жнівень — яшчэ на 2%. У параўнанні з 2023 годам рост дасягае 20–30%.

@365bel♬ оригинальный звук — 365bel

Чаму так адбываецца?

• Эфект «лепшага суседа»

Аналітыкі адзначаюць: у базе аб’яў цяпер амаль усе кватэры пазіцыюнуюцца як памяшканні «з рамонтам». Уласнікі глядзяць адзін на аднаго — і цэны паўзуць уверх, нават калі ў аб’ектаў няма асаблівых плюсаў.

• Попыт з-за мяжы

Прыбыццё замежнікаў, у тым ліку з Расіі і іншых краін СНД, заўважна павялічыла попыт. На некаторых лакальных рынках, асабліва каля ВНУ, кватэры разбіраюць «па любой цане».
Напрыклад, каля станцыі Інстытут культуры студэнты з Кітая хутка здымаюць усё, што з’яўляецца, і арэнда там стабільна вышэйшая.

@_jugosachic Съем жилья Минск! Вопросов много #минск #квартира #мысливслух ♬ оригинальный звук — alesya_gonchar

• Рост афіцыйнай сярэдняй зарплаты

Растуць афіцыйныя даходы — і гэта часткова падтрымлівае гатоўнасць рынку прымаць новыя цэннікі. Па дынаміцы зарплат і арэнды ў апошні год назіраецца амаль парытэт.

• Псіхалогія ўласнікаў

«Кухня з санвузлом за $460» — не жарт, а рэальная аб’ява. Частка ўласнікаў проста тэстуе рынак, пераацэньваючы запатрабаванасць сваіх квадратных метраў, але нярэдка знаходзяцца ахвотныя плаціць.

Што чакае рынак?

Звычайна пасля піку ў жніўні–верасні арэнда крыху супакойваецца. Аналітыкі не прагназуюць істотнага падзення, але ў бліжэйшыя месяцы магчыма «плато».

Дзяржава таксама спрабуе ўмяшацца. Мінстройархітэктуры абяцае, што ў 2026 годзе пабудуюць 650 тыс. кв. м арэндных дамоў і будуць нарошчваць аб’ёмы да 2030-га. Гэта можа злёгку палегчыць ціск на рынак.

З іншага боку, абмяркоўваецца павышэнне падатку на арэнду. І калі так здарыцца, уласнікі кватэраў, хутчэй за ўсё, могуць успрыняць гэта як падставу зноў павысіць кошты.

Чытайце таксама: Хлопца шакавалі кошты на мэблю ад «Пінскдрэў»: беларусы падтрымалі яго абурэнне

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро